OUR Cloud

OUR Cloud hesabınızı və onunla bağlı bütün məlumatları istədiyiniz vaxt silə bilərsiniz. Üç yol var.

Tətbiqin içindən

1. OUR Cloud tətbiqini açın və hesabınıza daxil olun.
2. Yan menyunu açın və Ayarlar bölməsinə keçin.
3. Səhifənin sonundakı «Hesabı sil» sətrinə toxunun.
4. Xəbərdarlığı oxuyub təsdiqləyin.

Təsdiqdən sonra hesab və fayllar dərhal silinir. Bu əməliyyat geri qaytarılmır.

Veb saytdan

1. app.ourcloud.az ünvanına daxil olun.
2. Yuxarı sağdakı profil şəklinə basıb Ayarları seçin.
3. Ümumi bölməsini açın və səhifənin sonuna enin.
4. «Təhlükəli zona» başlığı altındakı «Hesabın silinməsi» düyməsinə basın.
5. Xəbərdarlığı oxuyub təsdiqləyin.

E-poçt vasitəsilə

Tətbiqə girişiniz yoxdursa, hesabınızın e-poçt ünvanından hello@ourcloud.az ünvanına yazın və hesabın silinməsini xahiş edin. Sorğunu 7 iş günü ərzində yerinə yetiririk.

Nələr silinir

• Hesabın özü: ad, e-poçt ünvanı, profil şəkli.
• Buluda yüklədiyiniz bütün fayllar və qovluqlar.
• Paylaşım keçidləri və başqalarına verdiyiniz icazələr.
• Daxil olduğunuz cihazlar və sessiyalar.

Hesabı silmədən ayrı-ayrı məlumatı silmək

Hesabı bütövlükdə silmək istəmirsinizsə, istənilən faylı və ya qovluğu ayrıca silə bilərsiniz: faylı basıb saxlayın, «Sil» seçin, sonra Zibil qutusunu boşaldın — bundan sonra fayl serverlərimizdən həmişəlik gedir. Profil şəklini də Profil bölməsindən silmək olar.

Nələr saxlanılır

Ödənişlərə aid qeydlər (hansı tarifin nə vaxt alındığı) mühasibat və vergi qanunvericiliyinin tələb etdiyi müddətdə saxlanılır. Abunəliyin özü Google Play və ya App Store tərəfindən idarə olunur — onu həmin mağazanın abunəlik bölməsindən ləğv etmək lazımdır.

Sualınız varsa: hello@ourcloud.az